সেন্দুৰৰ ফোঁট নেলাগে মোক

2

ৰঙা আৰু ৰঙা, মাথো ৰঙা

দীঘলীয়া সেওঁতাত আঁকি দিছিলা

সেন্দুৰৰ ৰেখা,

আৰু কৈছিলা,

থাকিবা সদায় সেন্দুৰীয়া হৈ ৷

যতনেৰে সাঁচি ৰাখিছিলো

তোমাৰ হেঁপাহবোৰ

আৰু

হাঁহিৰে ভৰিছিল জীৱন ৷

আয়ে কৈছিল,

দীঘলকৈ লবি সেন্দুৰৰ ৰেখা

কুশলে থাকিব তোৰ মৰমবোৰ ৷

আইৰ মতেই কৰিছিলো,

প্ৰাণভৰি হাঁহিছিলো ৷

বগা হেনো ভাল নালাগে তোমাৰ

কৈছিলা তুমি,

মৰম হেনো থাকে ৰঙাৰ মাজত

তেনেহ’লে,

তুমি কিয় আঁতৰি গ’লা?

আজিতো তুমি বগায়েই পিন্ধিলা,

আৰু

মোকো দি থৈ গ’লা

তোমাৰ বগাখিনি ৷

এতিয়া আৰু সেন্দুৰৰ ফোঁট নালাগে মোক ৷

 ফোন : ৯৯৫৭৮৫৭৩৭৫

অন্যান্য লেখা :

Share.

2 Comments

Leave A Reply