প্ৰতিনিধি মই বিশ্বসভাত, অসম তোৰেই হৈ

0

আত্মাৰ দৰে মুক্ত মই

অপ্ৰতিৰুদ্ধ গতি,

সীমনাবিহীন লুইত

আৰু মই তাৰ সুতি ৷

মহাকালৰ প্ৰতিটো প্ৰহৰ

প্ৰতিটো নিশাৰ সাক্ষী,

মহাবাহুৰ বহল কোলাত ৰ’ব

ইতিহাসৰ চানেকী ৷

ব’হাগ মাথো এদিনৰ বাবে

হ’লেও থমকি ৰ’ব,

আকাশত জ্বলা ৰঙা মদাৰে

মোৰ কথাকে ক’ব ৷

লুইত কাহানীও নাযায় শুকাই

মাথো এৰি যায় সুতি,

মোৰ গানো তেনে অম্লান

যি সলাই সময়ৰো গতি ৷

স্তব্ধ নহয় মোৰ গান

হাজাৰ বুকুত ৰ’ব বৈ,

প্ৰতিনিধি মই বিশ্বসভাত

অসম তোৰেই হৈ ৷

মোৰ গান হওক বিজয়ৰ গান,

মোৰ গান হওক মানৱতাৰ গান,

মোৰ গান প্ৰতি অসমীয়াৰ প্ৰাণ ৷

 

–      শাশ্বত বৰুৱা,

তেজপুৰ বিশ্ববিদ্যালয়

অন্যান্য লেখা :

Share.

Leave A Reply