মোৰ ভৰিৰ তলুৱাই
তোমাৰ শিৰৰ সেন্দূৰ নাপালে,
মৃত: চকুযুৰিয়ে বোৱাই দিব
এক নৈ চকুলোঁ ৷
নুমুৱাই যাব –
চিতা-জুই ৷
উথলি আহিব বানপানী
চণ্ডালৰ আঁঠুলৈ … ৷
তোমাৰ শিৰৰ সেন্দূৰ নাপালে
মোৰ নিথৰ ভৰিৰ তলুৱাই … ৷
মৰিবলৈ ভাল নালাগিব-
তোমাৰ এটুপি চকুলো,
নপৰিলে মোৰ কায়িক দেহত … ৷
খেল হোৱাহেতেন,
এবাৰ মৰি দেখুৱালোহেঁতেন …
দেখিলাহেঁতেন –
তোমাৰ চাহিদা
মোৰ মৃত: শৰীৰত ৷
দুৰ্ভাগ্য,
মৃত্যু খেল নহ’ল ৷
তোমাক প্ৰমাণ দিবলৈ বুলি ৷
– নলবাৰী মহাবিদ্যালয়
৯৫০৮৬৩৮৩৮৩
